Amerikalı yarış sürücüsü və şoumen Ken Blok 55 yaşında qar arabası qəzasında dünyasını dəyişib.
Demokratikmusavat.com lent.az-a istinadən xəbər verir ki, bu barədə Hoonigan Racing Division yarış komandası öz "Instagram" hesabında məlumat verib.
Blok ABŞ-nin Yuta ştatında qar motosikleti ilə hərəkətdə olan zaman nəqliyyat vasitəsi onun üstünə aşıb və dünyasını dəyişib.
Ken Block idman və skeytbord ayaqqabıları şirkəti "DC Shoes"un yaradıcılarından biridir. Blok skeytbord, snoubord, motokros, ralli, rallikros və gimxana da daxil olmaqla bir çox idman növlərində yarışıb.
