Liberiyalı diplomat Aberkah Samuel Kkwame İstanbul Hava Limanında intihar edib.
“Demokratikmusavat.com ” “Qafqazinfo”ya istinadən xəbər verir ki, sözügedən şəxs həyat yoldaşı və övladları ilə birgə ölkəsinə geri dönmək üçün noyabrın 21-i günorta saatlarında taksi ilə İstanbul Hava Limanına gəlib.
Taksidən enən Samuel Kkwame bir neçə addım atdıqdan sonra 2 nömrəli qapının yerləşdiyi ərazidə 20 metr hündürlükdən özünü atıb.
Hadisə diplomatın ailəsinin gözləri qarşısında baş verib.
Diplomata hadisə yerində ilkin tibbi yardım göstərilsə də, onun həyatını xilas etmək mümkün olmayıb.
Hazırda insidentlə bağlı araşdırma aparılır.
