Rusiyalı türkoloq, İMEMO RAS-ın baş elmi işçisi, Rusiya Xarici İşlər Nazirliyinin Diplomatik Akademiyasının dosenti Vladimir Avatkov Ermənistanın baş naziri Nikol Paşinyan ilə Türkiyə prezidenti Rəcəb Tayyib Ərdoğanın oktyabrın 6-da Praqada Avropa İttifaqı çərçivəsində keçirilən görüşünü şərh edib.
"Demokratikmusavat.com" "Bizimyol.info"-ya istinadən xəbər verir ki, Avatkov Teleqram kanalında yazıb: “Tarixi görüş baş tutdu. R.T. Ərdoğan ilk dəfə Ermənistanın baş naziri N.Paşinyanla görüşüb. Sonuncu dəfə Ermənistan və Türkiyənin ən yüksək səviyyəli nümayəndələri təxminən 10 il əvvəl görüşmüşdülər. Bu dəfə mətbuatda yayılan məlumatlara görə, əvvəlcə qeyri-rəsmi şəraitdə keçirilən tədbirdə Azərbaycanın dövlət başçısı İlham Əliyev, daha sonra isə R.T. Ərdoğanla N.Paşinyan üz-üzə danışıblar. Bu söhbət bağlı qapılar arxasında baş tutub. Daha sonra onlara Macarıstanın baş naziri və Fransa prezidenti də qoşulub. Onlar, necə deyərlər, “Qafqazda davamlı sülh”ü müzakirə etdiblər. Nəticələrdən sonra Türkiyə Respublikasının Prezidenti bəyan edib ki, o, “Ermənistanla münasibətlərin tam normallaşmasına” inanır”.
Ekspert sözlərinə görə, Türkiyə fəal şəkildə dünyaya yayılmağa, “qovşaq” rolu uğrunda mübarizəyə və Xəzər dənizinə doğru irəliləməyə davam edir, ona görə də Ermənistanla və Azərbaycanla, hətta tam şəkildə əlaqə saxlamağa məcburdur.
“Türkiyənin Ermənistanda sıçrayışa ehtiyacı var - mütləq lazımdır. Çünki bunlar Şərqin açarlarıdır, bu tarazlığın dəyişməsidir, bunlar mərkəz üçün dəhlizlərdir. Ona görə də sərhədlərin açılmasından, yüklərin daşınmasından danışdılar. Və ümumiyyətlə, bu gün Türkiyə üçün birmənalı olaraq diplomatik irəliləyişlər günüdür, çünki bir sıra görüşlərdən əlavə, dövlət 2018-ci ildən bəri ilk dəfə İsrailə səfir təyin edib. Deməli, bütün istiqamətlərdə hərfi mənada iş aparılır",- deyə Avatkov əlavə edib.
Xatırladaq ki, Ermənistan hökumətinin mətbuat xidmətinin məlumatına görə, Ermənistanın baş naziri Nikol Paşinyan və Türkiyə prezidenti Rəcəb Tayyib Ərdoğan oktyabrın 6-da Praqada keçirilən görüşdə Ermənistan-Türkiyə münasibətlərinin normallaşması prosesini və bu istiqamətdə gələcək addımları müzakirə ediblər. İki ölkənin xüsusi nümayəndələri arasında aparılan müzakirələr nəticəsində əldə olunmuş razılaşmaların tezliklə həyata keçirilməsinin zəruriliyi vurğulanıb. Xüsusilə, söhbət üçüncü ölkə vətəndaşları üçün quru sərhədinin açılmasından, Ermənistanla Türkiyə arasında birbaşa hava yük daşımalarının həyata keçirilməsindən gedir.
