İran və Avropa ölkələri tezliklə 2015-ci il İran nüvə proqramı üzrə Birgə Hərtərəfli Fəaliyyət Planına (BHFP) qayıtmaq barədə danışıqları bərpa edəcəklər. Bu razılaşmanın yerinə yetirilməsi o zaman ABŞ Prezidenti olan Donald Trampın 2018-ci ildə birtərəfli çıxmasından sonra mümkün olmamışdı.

“Demokratikmusavat.com ” xəbər verir ki, bunu İran İslam Respublikasının xarici işlər naziri Abbas Əraqçi İran dövlət televiziya və radio şirkətinin efirində bildirib.

“Hazırda Avropa ölkələri səviyyəsində danışıqların bərpasına maraq göstərilir. Biz, yəqin ki, tezliklə onlara başlayacağıq”, – Əraqçi söyləyib.

“BHFP-nin bərpası üzrə danışıqlar prosesi bir neçə il davam edib. O, Trampın 2021-ci ildə ABŞ prezidenti postundan getməsindən sonra başlayıb. Cozef Bayden administrasiyası nüvə sazişinə qayıtmaqda maraqlı olduğunu bildirib. Danışıqlar prosesi İranın Prezidenti İbrahim Rəisinin fəaliyyəti dövründə davam edib”, – diplomat qeyd edib.