Qərb ölkələri Rusiya, Şimali Koreya, İran və Çinin müttəfiqliyinə qarşı fəal şəkildə hazırlaşmalıdır. Onlar arasında sıx koordinasiyalı ittifaq olmasa da, üç ölkə nüvə silahına malikdir.

Demokratikmusavat.com Axar.az-a istinadən xəbər verir ki, bunu Amerika Sahibkarlıq İnstitutunun əməkdaşı Nikolas Eberştadt "Vaşinqton Post"da yayımlanan köşə yazısında bildirib.

"Ukraynada müharibənin necə davam etməsindən asılı olmayaraq, Şimali Koreya qüvvələrinin Qərb demokratiyasına hücumu dəstəkləmək üçün Şimali Koreyadan çox uzaqda yerləşdirilməsi Vaşinqtonu Soyuq müharibədən sonrakı yeni siyasət haqqında düşündürməlidir. Dörd aqressiv diktatura - Rusiya, Çin, İran və Şimali Koreya strateji əməkdaşlıq edir, onların əməkdaşlığı dərinləşir və koordinasiya olunur. Onlardan üçünün nüvə silahı var və İran bu kluba qoşulmağa çalışır", - o qeyd edib.