Paytaxtın Binəqədi rayonu M.Ə.Rəsulzadə qəsəbəsi, 8 mart küçəsinin sakinləri su kəsintilərinin tez-tez təkrarlanmasından narazıdırlar.

Bu barədə Ölkə.Az-a qəsəbə sakinləri müraciət ediblər.

Sakinlər bildirib ki, əvvəllər suyun kəsilməsi nadir hallarda olurdusa, son aylarda bu vəziyyət daha da intensivləşib.

Sözügedən problemlə əlaqədar Ölkə.Az-a danışan “Azərsu” Açıq Səhmdar Cəmiyyətinin İctimaiyyətlə əlaqələr şöbəsinin rəisi Anar Cəbrayıllı su kəsintisinin müvəqqəti xarakter daşıdığını söyləyib: 

“Ərazidə qəza baş verib. Hadisə ilə əlaqədar suyun verilişdə fasilə yaranıb. Ərazinin su təchizatı ilə bağlı başqa problem yoxdur”.

Qurum rəsmisi suyun əraziyə bundan sonra fasilələrlə verilib-verilməyəcəyi ilə bağlı suala cavab olaraq su təminatının əvvəlki qaydada davam etdiriləcəyini deyib.

Billurə Yunus