Naxçıvanda Qida Təhlükəsizliyi Agentliyi yaradılıb.

"Report"un yerli bürosunun məlumatına görə, noyabrın 3-də Naxçıvan Muxtar Respublikası Ali Məclisi Sədrinin müavini Anar İbrahimov Naxçıvan Muxtar Respublikasının Qida Təhlükəsizliyi Agentliyinin fəaliyyətinin təmin edilməsi haqqında fərman imzalayıb.

Fərmana əsasən, “Naxçıvan Muxtar Respublikasının Qida Təhlükəsizliyi Agentliyi haqqında Əsasnamə” və Agentliyin strukturu” təsdiqlənib.

Naxçıvan Muxtar Respublikasının Nazirlər Kabineti Ali Məcli sədrinin aktlarının bu Fərmana uyğunlaşdırılması ilə bağlı təkliflərini üç ay müddətində hazırlayıb Naxçıvan Muxtar Respublikası Ali Məclisinin sədrinə təqdim edəcək.