“Aşk-ı Memnu”dan uyğunlaşdırılan və tarixi film kimi çəkiləcək “Bihter” filmində rol alacaq aktyorların bəzilərinin adları açıqlanıb.
Demokratikmusavat.com  Türkiyə mətbuatına istinadla xəbər verir ki, obrazları müvafiq olaraq aşağıdakı aktyorlar canlandıracaq:

Bihter- Farah Zeynəb Abdullah

Behlül- Bozan Kuzum

Nihal – Helin Kandemir

Firdevs Yöreoğlu- Hande Ataizi

Peykər - Nezaket Erden

Matmazel – Ebru Özkan

Beşir – Lorin Merhart

15 martda çəkilişlərə başlaması planlaşdırılan film üçün Adnan obrazını canlandıracaq aktyor axtarılır.

Qeyd edək ki, “Aşk-ı Memnu” 4 sentyabr 2008-24 iyun 2010-cu il tarixləri arasında Kanal D-də yayımlanan türk serialıdır.  Serialda baş rolları Kıvanç Tatlıtuğ, Beren Saat və Səlçuk Yöntəm oynayıb. Serial final bölümü ilə türk serialları tarixində ən çox izlənilən serial kimi tarixə düşüb.
Serial Xalid Ziya Uşaklıgilin 1899-cu ildə nəşr olunan eyniadlı romanından uyğunlaşdırılıb. “Aşk-ı Memnu” Türkiyə televiziya tarixinin ən çox təkrarlanan seriallarından biridir.
ABŞ-da yerləşən ispandilli “Telemundo” kanalı “Pasion Prohibida” adı altında serialı yenidən çəkib. Ekran işi həmçinin Rumıniyada “Fructul Oprit” adı ilə də çəkilib.

Fidan