Zəfər yolunun tikintisi 80 faizi başa çatıb - RƏSMİ + FOTO

 

“Zəfər yolunun tikintisi 80 faizi başa çatıb”. 

Demokratikmusavat.com xəbər verir ki, bu sözləri Azərbaycan Avtomobil Yolları Dövlət Agentliyinin Yerli və regional əhəmiyyətli şöbəsinin rəisi İlham Süleymanov deyib.

O qeyd edib ki, Zəfər yolunun 51-ci kilometrliyində torpaq işləri tamamilə bitib:

“Artıq yol konstruksiyası işlərinə başlanılıb. Zəfər yolunun 1 kilometrdən artıq hissəsinin asfalt örtüyü çəkilib. Bu yolunun 101.5-ci kilometrliyində 4 körpü var, onlardan 3-nün tikinti işlərinin 75 faizi artıq həyata keçirilib”.  

O bildirib ki, hazırda dayandığımız körpünün altından Şuşaya ikinci yol gedir:

“Bu yolun uzunluğu 84.6 kilometrdir. Şuşa gedən yolun üzərində qurulan bu körpü Quruçayın üzərində inşa olunur. Körpünün əhəmiyyəti ondan ibarətdir ki, o Ağdam Füzuli yolu üçün ötürücü rolu oynayır. Digər tərəfdən yolların üzərində süni qurğular olur ki, körpülər də bu rolu oynayır”.

Könül Cəfərli

0.16207194328308