Yüklənir

AZ Ru En
Bir kərə yüksələn bayraq bir daha enməz

Diabet xəstələrinə cihaz və dərman verilmir - VİDEO

  4

Şəkərli diabetdən əziyyət çəkən vətəndaşlara diabeti ölçən cihazlar və ''siafor'' dərmanı verilmir. Demokratikmusavat.com bildirir ki, paytaxtın Yasamal rayonu ərazisində fəaliyyət göstərən 39 nömrəli şəhər poliklinikasında belə hal yaşanır. Bu xəstəlikdən əziyyət çəkən vətəndaşların sözlərinə görə, bir müddətdir onlara dövlət tərəfindən pulsuz verilməli olan ''siafor'' dərmanını ala bilmirlər.

Şəkərli diabet xəstələrinin problemi təkcə bununla bitmir. Vətəndaşlar iddia edirlər ki, poliklinikada Səhiyyə Nazirliyi tərəfindən pulsuz paylanan şəkərli diabeti ölçən cihazlar da onlara verilmir.

39 nömrəli şəhər poliklinikasının həkimi Ramiyə Quliyeva da xəstələrə ''siafor'' dərmanının verilməməsini təsdiq etdi.

Şəkərli diabeti ölçən cihazların verilməməsi məsələsinə gəlincə isə, Ramiyə Quliyeva bildirdi ki, bir müddət bu cihazların verilməsində problem yaransa da, hazırda problem aradan qaldırılıb.

Adıçəkilən poliklinikada 1205 şəkərli diabet xəstəsi qeydiyyatdadır. /xezerxeber.az

Demokratikmusavat.com

Videonu izləmək üçün şəklə klikləyin:
Diabet xəstələrinə cihaz və dərman verilmir