Şotlandiya təmsilçisi "Seltik"in azarkeş qrupu klubun stadionuna Fələstin bayraqları assa da, rəhbərlik həmin bayraqları yığışdırıb.

Demokratikmusavat.com Offsideplus.az-a istinadən xəbər verir ki, "North Curve Celtic" azarkeş qrupu Tvitter-dən klubun bu hərəkətini qınayıb: "Xəyal qırıqlığı yaşadıq, amma təəssüflər olsun ki, buna təəccüblənmədik. Biz Fələstin bayrağını dalğalandırmağı insanlıq naminə atılan bir addım kimi qiymətləndirərkən, bayraqların yığışdırılması "Seltik" klubunun dəyərlərindən nə qədər uzaqladığını göstərir. Şiddətə qarşı tərəfsiz qalmaq, təzyiq göstərən tərəfin yanında olmaq deməkdir".

"Seltik" klubu isə açıqama verərək, azarkeşləri vəziyyətdən sui-istifadə etməkdə ittiham edib. Açıqlamada bildirilib ki, komandanın kapitanı Skot Braun üçün pankartlar göstərilməsinə icazə verilsə də, tərəfdarlar icazəsiz bayraqlar asıblar.

Demokratikmusavat.com