AZ Ru En
Bir kərə yüksələn bayraq bir daha enməz

Hadrutun, Şuşanın alınmasında qəhrəmanlığı ilə seçilən xüsusi təyinatlı - FOTO

  18

Vətən müharibəsində qəhrəmanlıq göstərərək şəhidlik zirvəsinə ucalan döyüşçülərdən biri də baş leytenant Sahib Yusif oğlu Şirəliyevdir.

Demokratikmusavat.com AZƏRTAC-a istinadən bildirir ki, Sahib Şirəliyev Masallı rayonunun Ərkivan qəsəbəsində anadan olub. Ötən payızda, oktyabrın 18-də 25 yaşı tamam olmuşdu. Subay idi...

S.Şirəliyev orta təhsilini Bakı şəhərində yerləşən Ağdam rayon 28 nömrəli tam orta məktəbdə alıb. Əlaçı olub, nizam-intizamı, fərdi xüsusiyyətləri ilə həmyaşıdlarından seçilib. Məktəb illərində boks idman növünə, hərb sənətinə maraq göstərib. 2013-cü ildə Heydər Əliyev adına Azərbaycan Ali Hərbi Məktəbinə daxil olub.

İgid döyüşçü 2017-ci ildən Naxçıvan Muxtar Respublikasında, Əlahiddə Ümumqoşun Ordusunun xüsusi təyinatlı zabiti kimi Vətənə qulluq edirdi. Nümunəvi xidməti, xüsusi təyinatlı qruplar arasında keçirilən yarışlarda öncüllüyü ilə fərqlənib, dəfələrlə fəxri fərman və diplomlarla mükafatlandırılıb.

Valideynləri onun hələ yeniyetməlik illərindən cəsurluğu, vətənpərvərliyi ilə seçildiyini vurğulayırlar.

Atası Yusif kişi oğlu haqqında qürurla danışır: "Nəslimizdə hərbçi olmamışdı. Sahib isə uşaqlıqdan, məktəb illərindən hərbi-vətənpərvərlik verilişlərini həvəslə izləyərdi. İllər ötdükcə oğlumda bu peşəyə maraq daha da artdı və qərarını verdi. Savadına, biliyinə görə başqa ixtisas da seçə bilərdi. Etiraf edim ki, təkid etsək də, onu fikrindən daşındıra bilmədik. Peşə seçimində qəti olan Sahiblə razılaşmalı olduq. Kursant olduğu müddətdə dəfələrlə təşəkkürnaməyə layiq görülüb. Soruşanda cavab verərdi ki, çətin də olsa, şərəfli, əsl kişi sənətidir. Naxçıvanda olanda onunla əlaqə saxlayırdım. Elə müharibə başlayan ilk gündən səbirsizlənirdi ki, tezliklə döyüşlərə qatılsın".

Şəhidin anası Şölə xanım isə oğlunu evləndirməyə hazırlaşdıqlarını, amma qismət olmadığını bildirir: "İstəyirdik ki, ailə qursun. Gözaltısı da vardı. Sahib cəbhəyə yollanandan nigaran idim, dua etməkdən başqa əlacım qalmamışdı. Nələr arzulayırdıq, nələrlə qarşılaşdıq..."

Ananın son cümlələri isə axıtdığı göz yaşları ilə ifadə edilir. O, övladının yarımçıq bitən taleyinə acıyır...

Sahibin zəngin şəxsi kitabxanası var. Bədii ədəbiyyat, xüsusilə şeir həvəskarıymış. Ən çox Nizami Gəncəvinin əsərlərini mütaliə edərdi.

Şəhidin 22 yaşlı qardaşı Əli də taleyini hərb sənətinə bağlayıb. Bakı Dəmir Yolu Nəqliyyatı Texnikumunu bitirdikdən sonra həqiqi hərbi xidmətə yollanıb. Daxili Qoşunların tərkibində ilyarım xidmətdən sonra müddətdən artıq xidmət etməyə qərar verib. Əli döyüşlərdən öncə qardaşı ilə son danışığını belə xatırlayır: "Dedi ki, ailədən muğayat ol! Çünki bilmək olmaz evə necə dönəcəyəm - qalib, qazi, yoxsa şəhid kimi. Qismətində şəhidlik varmış. Həm qardaşım, həm də yaxın dostum idi. Bir-birimizə çox alışmışdıq..."

Bu gün şəhid zabitimiz Sahib Şirəliyevdən tarixə yazılacaq qəhrəmanlıq dastanı geridə qalıb. Bu şərəfli salnaməni yazmaqda bizə onunla çiyin-çiyinə vuruşan igid hərbçi, qazi yoldaşları yardımçı oldu.

Sahibin xidmət etdiyi hərbi hissənin qərargah rəisi, 3-cü dərəcəli "Vətənə xidmətə görə" ordenli mayor Nəsir Zeyniyevin dediklərindən: "Əsgər və zabit heyətimiz cəbhəyə mərhələli şəkildə göndərilirdi. Oktyabrın 11-də Hadrut istiqamətində döyüşlərə qatıldıq. Qəsəbənin və ətraf yüksəkliklərin azad edilməsində Sahib və rəhbərlik etdiyi xüsusi təyinatlı qrup xüsusi fədakarlıq göstərdi. Hadrut döyüşlərində bir neçə düşməni şəxsən özü məhv etdi. Şəhid və yaralılarımız olsa da, qarşı tərəfin sıx yerləşdiyi və güclü müdafiə olunduğu, eləcə də Hadrutu nəzarətdə saxlayan vacib yüksəkliyin alınmasında S.Şirəliyevin xidməti əvəzsizdir. Onun rəhbərlik etdiyi bu uğurlu əməliyyatdan sonra qəsəbədə bölmələrimizin şəxsi heyət və döyüş texnikasının rahat hərəkəti təmin edildi..."

Sahibin kursant yoldaşı və onunla eyni taborda xidmət edən qrup komandiri, "Hərbi xidmətlərə görə" medallı baş leytenant Minətulla Bayramov: "Qırmızı bazar istiqamətində, dağlıq-meşəlik ərazilərlə 2 gecə yol getdik. Bu əməliyyatdakı ilk tapşırığımız yaşayış məntəqəsinin giriş və çıxış qapılarını bağlamaq oldu. Qəsəbəyə çatdıqda mövqe tutduq, bərabər paylanaraq yol kənarı boyunca yerləşdik. Minomyot atəşinə tutulsaq da, ordu birləşmələrimizlə birgə düşmənə sarsıdıcı zərbələr endirdik. Hədəf qəsəbənin tam alınması idi. Qrupumuzdan 4 nəfər yaralandı, mən sağ qolumdan güllə yarası aldım - hospitala təxliyə olundum. Bütün məsuliyyət və ağırlıq Şirəliyevin üzərində qaldı..."

"Döyüşdə fərqlənməyə görə" medallı baş gizir Kamran İbrahimov: "Tuğ kəndini aldıqdan sonra kəşfiyyat işlərini yekunlaşdırıb, ərazini təmizlədik. Sonra Qarabulaq kəndini, ərazidəki yüksəkliyi işğaldan azad etdik. Yeni tapşırığa əsasən Şuşa tərəfə irəlilədik. Bir neçə gün piyada yol getdik. Şuşa-Laçın yolunun 6-7 kilometrliyində döyüşə hazırlığa başladıq. Laçın dəhlizinə çatanda səhər saat 5-in yarısı idi...

Düşmənlə qızğın atışmalar zamanı yaralanan zabitimizə ilk tibbi yardımı Şirəliyev göstərdi. Saatyarımlıq şiddətli döyüşlərdə yaralı və şəhidlərimiz olsa da dəhlizi, dəhlizin üstündəki yüksəkliyi ələ keçirdik. Ağır artilleriya atəşlərinə məruz qalsaq da irəliləyirdik. Hətta "Şirəliyev, irəli, yoxsa geri?" soruşduqda, o, "yalnız irəli getməliyik" deyə, əmr etdi. Hədəfimiz Şuşa şəhəri idi. O səmtə istiqamətləndik. Qarşıda bizi tələyə salacağını düşünən hiyləgər yağını yenə də peşman etdik. Düşmənin xeyli canlı qüvvəsi və hərbi texnikasını məhv etdik. İki BMP-ni yararsız hala salaraq qənimət götürdük. Lakin yarım saatlıq ağır vuruşda cəsur və təmkinli qrup komandirimizi, baş leytenant Sahib Şirəliyevi itirdik. Əvvəlcə elə bildim ki, qaya arxasında mövqe tutub. Çağırdım səs vermədi. Yaxınlaşanda arxası üstə yerə uzanan cansız bədənini gördüm. Sol çiynindən yapışıb özümə tərəf çəkdim. Güllə baş nahiyəsindən dəymişdi...".

Şuşa uğrunda döyüşlərdə canını qurban verən qəhrəman hərbçimiz noyabrın 14-də, doğulduğu Ərkivan qəsəbəsində torpağa tapşırılıb. Həmyerlisi, Tovuz döyüşlərində şəhid olmuş mayor Anar Novruzovun məzarının yanında dəfn edilib.

Şəhid baş leytenant Sahib Yusif oğlu Şirəliyev ölkəmizin ərazi bütövlüyünün təmin edilməsi uğrunda döyüşlərdə fədakarlığı, yüksək peşəkarlıqla rəhbərliyi, düşmənin canlı qüvvəsi və döyüş texnikasının məhv edilməsindəki rəşadəti və öz vəzifə borcunu ləyaqətlə və vicdanla yerinə yetirdiyinə görə, Azərbaycan Respublikası Prezidentinin müvafiq sərəncamları ilə "Azərbaycan Bayrağı" ordeni, "Vətən uğrunda" və "Şuşanın azad olunmasına görə" medalları ilə təltif edilib.

Övlad itirmək nə qədər ağır olsa da, zəfər sevinci Şirəliyevlər ailəsini ovundurur. Vətənin keşiyinə qorxmaz, bacarıqlı iki hərbçi oğul böyüdüb göndərən Yusif ata, Şölə ana, başınızı dik saxlayın, oğlunuz qəhrəmanlıq tarixi yazdı!

Vətəni canı bahasına bütöv edən Sahib kimi şəhidlərimizin sayəsində nəinki düşmənlərimiz, bütün dünya Azərbaycan dövlətinin və ordusunun gücünü bir daha gördü.

Demokratikmusavat.com

Xəbər Lenti

Türkiyə XİN: Azərbaycan ilə Türkmənistan arasında imzalanan Anlaşma Memorandumunu məmnuniyyətlə qarşılayırıq

Günün qoroskopu: harada olmağınıza rəğmən özünüzü rahat hiss edin

Qazla bağlı problemi olanların NƏZƏRİNƏ

Cəbrayıl-Füzuli istiqamətində gedən döyüşlərdə şəhid olan DİN-in çavuşu - FOTO

Nazirlər Kabineti Prokurorluq orqanlarında xidmət yerinin dəyişdirilməsi ilə əlaqədar qərar verdi

Ukraynada qocalar evində yanğın baş verib, 15 nəfər ölüb

14 kiloqrama yaxın narkotik vasitə qanunsuz dövriyyədən çıxarılıb

Şvartsenegger maşında vaksin vurdurdu

ADU-nun şəhid tələbəsi haqqında kitab çap olunub

"Komaya belə düşdüm" - Xəstəliyindən danışıb ağladı

Bu saytlardan Şuraya şikayət olundu

20 Yanvar faciəsi ilə bağlı məlumatlar yapon dilində təqdim olunub

"Qızlar maşını, evi olan oğlana ərə getmək istəyir"

Çinarə ilə Səidənin birgə rəqsi tənqid olundu - VİDEO

“Dostluq” yatağı Azərbaycanla Türkmənistan arasında qardaşlığın rəmzinə çevrilir

20 yanvar günü evini tərk edən 2 koronavirus xəstəsinə cinayət işi başlandı

Gəncədə “COVID-19”-a qarşı vaksinasiya prossesinə başlandı - FOTO

"Dostluq" yatağı ilə bağlı memorandum tarixi əhəmiyyət daşıyır"

Azərbaycanla münasibətlərimiz ardıcıl olaraq inkişaf edir - Türkmənistan Prezidenti

“YAŞAT” Fondu tərəfindən şəhid və qazi ailələri tibbi müayinələrdən keçirilib - FOTO

Buzlu yolda qızını qorumaq üçün yıxılmamağa çalışdı - VİDEO

Bayden yalnız bu məşhuru izləyir - FOTO

Zidan “Real”dan ayrılacaq?

Türk ordusu daha 3 terrorçunu zərərsizləşdirdi

Qoca Səmədovun məhkəməsi təxirə salındı

Rusiya MN-dən Qarabağda itkin düşənlərlə bağlı açıqlama

ABŞ-da etiraz aksiyalara başlayıb, saxlanılanlar var

BTC ilə ötən il nəql edilən neftin həcmi açıqlanıb

1 saylı Körpələr Evində nöqsanlar aşkarlanıb - FOTO

Qırğızıstan hökuməti istefaya getdi

Sumqayıt Dövlət Dram Teatrının şəhidlərinin xatirəsinə xitabən hazırladığı VİDEO

“Azərbaycanı dəstəkləyirəm, haqlı olduğunuzu bilirəm” - Dodo

BTQ ilə yükdaşımalarda ilk dəfə örtülü vaqonlardan istifadə edilib - FOTO

Bu şirkət pandemiyada 7 milyard dollar itirib

Gürcüstanda koronavirusa yoluxanların sayı 250 mini ötüb

Karantini pozan kafenin sahibi və müştərilər cərimələndi

Prezident İlham Əliyevlə Qurbanqulu Berdiməhəmmədov arasında videokonfrans formatında görüş keçirilib

"Bavariya" və "Leyptsiq"dən qələbə

Qaxda narkotik alverçisi silahla yaxalandı

"Moskva revanşist qüvvələrin hakimiyyətə gəlməsində maraqlı deyil"

Premyer Liqamızda qış fasiləsi başa çatır

"Azadlıqda yaşamağımın səbəbkarı Afətdir" - Manaf Ağayev

Azərbaycanda ölüm hallarının sayı açıqlanıb

Spirtli içkilər və siqaret vaksinin effektivliyinə təsiri edirmi? - AÇIQLAMA

Mariya Şarapovanın 683 minlik nişan üzüyü - FOTO

2020-ci ildə doğulan körpələrin sayı AÇIQLANDI

Kapital Bank 2020-ci ilin nəticələrini elan edib

Bu il Bakı-Novorossiysk neft kəməri ilə 1 milyon tondan çox neft nəql ediləcək

Peruda güclü zəlzələ baş verdi

“Eliş” ləqəbli narkotacir ələ keçdi - 300 min manatlıq narkotiklə - FOTO

Neft yenidən ucuzlaşıb

Şagirdlərin yarımillik nəticələri belə qiymətləndiriləcək - VİDEO

Ronaldu daha bir rekorda imza atdı

Bu şəxslər koronavirusa qarşı peyvənd olunmayacaq - VİDEO

Qar rayonlarda fəsadlara səbəb oldu - VİDEO

Baş Prokurorluğun daha bir sosial şəbəkəsi rəsmi olaraq təsdiqlənib

ABŞ dolları yığanlara pis xəbər - Dollar ucuzlaşacaq

Yanvarın 21-də xarici valyutaların manata qarşı məzənnələri

Təqaüdçülər üçün ən yaxşı ölkələr açıqlandı

Portuqaliyada rekord sayda koronavirusa yoluxma qeydə alınıb

Bu məhsullar üzrə ticarət dövriyyəsi artıb - Statistika

İsraildə koronavirusa yoluxanların sayı 574 min nəfəri ötüb

Dünyada ötən sutka koronavirusa 496 mindən çox yoluxma qeydə alınıb

"Yuventus" doqquzuncu dəfə İtlaiya Super Kubokunun qalibi oldu

Britaniyada bir sutkada koronavirusdan 1 820 nəfər ölüb

Bayden Den Smiti ABŞ dövlət katibi təyin edib